تخلي الصديق عن صديقه

[نور المهدي]

السلام عليكم ورحمة الله وبركاته ..


تخيل لو صديق عمرك الروح بالروح اعتبرته حياتك وصديق دربك ويوم من الأيام تغير من ناحيتك وبدون سبب طنشك وباعك عشان تعرف على صديق ثاني ونساك
شتسوي بهذي الحاله؟ تواجهه والا تبيعه وتنساه مثل ماباعك ونساك؟ والا تكتب له رساله وإذا كتبت له رساله ماتخاف مايرد عليك وتتفشل؟ شنو الحل.. طيب إذا آنا طنشته وبعته! قلبي مايطاوعني لازم اواجهه وإذا تركته وطنشته مثل مايطنش يمكن ماراح يجيك يوم من الأيام
!
طيب لو حاولت انساه ونسيته وإذا رجعلي متأخر وقال آنا آسف اني طنشتك كان عندي ضروف!! اعطيه فرصه واسامحه والاا اقوله خلاص نسيتك وبعتك مثل مابعتني بدون سبب..؟؟ ها شتسوي او شتسوين بهالحاله إذا رفيج دربك طنشك وباعك؟وإذا ندم ورجعلك بكل جرأه تسامحه وترجعله؟


:oo5o.com (11):نور المهدي:oo5o.com (11):

[عجل ادركنا يا قائم]

عاد أنتيه حددتي .. قلتي صديق عمرك .. يعني تصوري صديق العمر إللي قضينا عمرنا أنا وياه مع بعض ع الحلوة والمرة .. وكبرنا خطوة بحطوة .. وترابعنا لين صار هذا عمارنا .. ويجيني بتالي العمر .. ويتخلي عني .. أو خلينا نقول باعني وبالرخص بعد .. وش بيكون موقفي .. أولاً عمر إللي ينكسر ما يتصلح .. هيهات إنه يرجع مثل أول .. ولو جيتي تحاولي إنش تصلحيه لازم بيكون منظره مشوه .. ولكن لو رجع لي واعتذر أكيد إني بسامحه وبغفر له .. تعرفي ليش .. ؟ لأنه يا بنتي الدنيا ما تسوا .. وكم بعيش أنا .. علشان أتحامل في قلبي .. والله ورسوله يقولوا : العفو عند المقدرة .. لكن الجرح بيبقى للممات ما فيه شيئ يداويه .. ولو بعد حين .. لأنه هذا ما أي شخص .. هذا صديق العمر .. يعني كنت مخدوع فيه كل عمري .. !

[نور المهدي]

كفيت وفيت
هذا ما غريب عليك دايما وافي
تحياتي مولانا

[سيدة النور]

اللهم صل على محمد وآل محمد

عجبني الموضوع والله......

صراحة انا مريت بهالموقف.....لكن صدقيني أختي العزيزة أنه القلب طيب ويسامح الكل.....ترا الدنيا ما تسوى.....شو الفايدة نتحامل ونخلي قلبنا أسود؟؟

دام انها راجعه وكلها ندم وآسف.....فلا مانع من مسامحتها.....الله يسامح المذنبين ...احنا من نكون عشان ما نسامح؟؟

نور المهدي.....تسلمي على الطرح الرائع.....مهما قلت فلن أوفي من وصف جميل اطروحاتك.....دمتي بود حبوبة

أرق التحايا وأعذبها........

[نور المهدي]

سيدة النور اسعدني مرورك العطر
ومثل ما قلتي اذا الرب يسامح من احنا عشان مانسامح

تحياتي عزيزتي