أنآآ مآآبي مهر منك ~ ولا شبكة ولا فستآآن ~

[شذى الياسمين]

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..
وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..
عليك اسم الله يالغالي وعمت عين اللي يحسدونك ..
تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..
وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..
يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..
مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..
تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..
خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..
فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..
أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..
غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..
وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..
يقولون ادفني ذكراه وانسي اللي خان
قسم بالله ما انساك ولو هالكون ينسونك ..
تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..
كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..
أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..
أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..
غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..
وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..
(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..
يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..
أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..
ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..
يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..
أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..
بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..
فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..
زماني مارحم ضعفي هزم حسي وتحداني
عهد في قبري ما نساك تعال وزورني عاني ..
تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..

[آهات أنثى]

كم جميل عندما تترجم الاحاسيس والمشاعر الى كلمات
تثنر عبيرا لطيفا ..
& دامــ حبكــ للنبي وآلـهـ &

[محب الزهراء]

اللهم صلي على محمد وعلى آل محمد

خيتووووو ايقضتي فينا مشاعر نحاول كتمانها
المهم الله يرزقنا واياكم الزواج الصالح

متابع لابداعاتك خيتووووو يالله ننتظر المزيد

دمتم سالمين

[أبو مهدي]

اللهم صل على محمد وآل محمد وعجل فرجهم


صحيح إنك حركتي فينا المشاعر هههههـ

سلمت يداك أختااااه شذى الياسمين
دمتِ متميزه ومبدعه أختي العزيزة
ولاحرمنا الله من جميل حضورك وإبداعك
الله يوفقك إن شاءالله
خالص تحياتي

[زهرة النور]

كلمااااات حلووووه مثل صاحبتها ... تشلمي خيتوووو دمتي ودام تميزج

[NoorSaham]

لا هنتي أختي

تراهم قالوا
الحب بلا والعشق سما قاتلا

كان الله في عونهم جميعاً..

باركك الله ودام حبك خالصاً لمحمد وآل محمد..

[عجل ادركنا يا قائم]

كان الله في عون من هم في مكان تلك المقصودة في أبياتكِ يا شذى الياسمين .. جد صعبة على الواحد .. يعطي لإنسان حب ما وهبه لغيره من الناس .. ويجي فلحظه ويبيعة .. بالرخص .. ويبدل به بواحد ثانِ .. تشكراتي مولاتنا شذى الياسمين .. على انتقائكِ الجميل .. !

[إحسآس الولآء]

كلمات حلوة ,,
لك ودي وتحيتي ,,

[شذى الياسمين]

آهات آنثى
آنرتي متصفحي بمرورك العطر .,

[شذى الياسمين]

محب الزهراء
آنرتي متصفحي بمرورك العطر .,

[شذى الياسمين]

أبو مهدي
آنرتي متصفحي بمرورك العطر .,

[شذى الياسمين]

دمعة كربلاء
آنرتي متصفحي بمرورك العطر .,

[شذى الياسمين]

نور صحم
آنرتي متصفحي بمرورك العطر .,

[شذى الياسمين]

عجل أدركنا
آنرت متصفحي بمرورك العطر .,

[شذى الياسمين]

فتى الآحساس
آنرت متصفحي بمرورك العطر .,

[نور الفواطم]

تسلمين غاليتي شذى الياسمين على هذه الكلمات الرائعه