المساعد الشخصي الرقمي

مشاهدة النسخة كاملة : شوو تسووي لوو؟؟

زهرة النور
06-18-2009, 01:55 AM
سلاااام


شحالكم ؟؟

كيف شو مسووين كل شي تماااام ؟؟؟


اليوم جبت لكم لعبه وهي

شو تسوي لووو؟؟


اللعبه عباره عن أاسئله انا مثلا بحط سؤال
ولي بعدي يجاوب عليه ويحط سؤال ...
ولا زم يبدي السؤال بـ
( شو تسوي لووو؟؟ )


اوكيشن أنا ببدي


شو تسوي لووو رحت مطعم وتعشيت وخلصت
ولما جيت تدفع الفاتوره ما تحصل فلووووس
فجيبك او ف شنطج ؟؟؟ ههههههــ



يلااا عاد لا تفشلوونا نريد تفاعل
عجل ادركنا يا قائم
06-18-2009, 02:06 AM
يا خي عادي .. بتصل فحد من الربع وبقوله الشيمة تعال وجيب غوازي معك .. تراني نسيان ما جايب غوازي وانا فالمطعم .. وش يعني بتحتشر .. ! تشكرات دمعوووه على الموضوع .. واللعبة .. فنانة .. يعني نستفيد منها ببعض الحلول .. عند تعرضنا لمأزق ما .. و س ل م ل م .. !
زهرة النور
06-18-2009, 02:12 AM
احم عجل وين السؤاااااال

وتسلم ع المرور ولووووو بس بيحترق ويهنا هههههه
سيدة النور
06-18-2009, 02:15 AM
لووووووووول لعبة نااااااااااايس دمووووعه.........

وبإنتظار سؤال عجل.........غويان ...ما يكفي ناسي فلوسه ونسى السؤال بعد

الفؤاد غايب ههههه
عجل ادركنا يا قائم
06-18-2009, 03:02 AM
يبوكن نسيت .. يالله حشا ما يتسوالكم سبب .. تو عاد أنا وش أسئل بالله عليكن .. ؟ انزين يطويلات العمر السؤال هو .. يعني مثلاً لو واحد فالعابية ويالس يسقي البقرة والهوايش ماي .. ويسقي الزرع .. وفجأة خلص عليه الماي وش بيسوي .. هاااه .. عليكم بالجواب .. ولا تغيبوا عماركم .. !
عزيز الزهراء
06-18-2009, 03:18 AM
هع هع هع حركات صديقي
والله ما صار عندي عابيه ولا بخبرك
كي إنت ما عندك طوي ولا يشريو ماي صحه هاااااه
لو كنت مكانك بخليهم وبروح أشتريلهم ماي ولا بتصل براعي التنكر مسكين ما بيقصر
مساكين الدواب لا يهشوا ولا ينشوا ما مثلنا نحن ما نصبر ..

عاد سؤالي ..
شو تسوي لو كنت مسافر إنت وولادك أو إنت وأبوك يعني بدون حمله وكنتوا رايحين السوق وفجاه لم تجد المحفظه وعاد فيهااا كل شئ البطايق والفلوس ...شو بيكون تصرفك
سيدة النور
06-18-2009, 03:23 AM
وااااااااابوي بموووووووووووووت..........بتجيني سكته قلبيه خخخخخخ

فال الله ولا فالك ......خخخخخ

خخخ بقوم أصيح لاااه.....ماعرف شو بسوي

لو كنت رايح تتمشى وأذن عليك الأذان ورحت المسجد تصلي وطلعت وماحصلت نعالك شو بتسوي؟؟؟؟

أرق التحايا وأعذبها........
عجل ادركنا يا قائم
06-18-2009, 03:31 AM
ياخي عادي لاااه .. بسير أمشي حافي بدون وطية .. وإذا شيئ قدامي دكان يبيعوا فيه شباشب بشري لي وحده وبمشي حالي .. ! تراها ما أول مره تصير عندي حاجية .. وايد منه هالشيئ .. !

عاد تو دور السؤال .. يالله ما ادانيه .. !
ياخي إذا واحد من إللي عندهم موتر ياي يطلع من باركنج وصكت عليه سيارة من وراه .. وظل محاصر من كل الجهات وش بيسوي ساعتها .. ! عاشوا الربع .. !
عزيز الزهراء
06-18-2009, 03:47 AM
بصكه هرانه لين هناك وبس لين يجي يطلع حل سيارته أو بخليهم ينادوه برقم سيارته في المايك إذا كان في مركز
عاد مره صايره فيني ليلة العيد كنت رايح السوق أشتري حاجه ولا سياره سودا جات وطبقة في سيارتي من الخلف وعاد ليل وأنا كنت مستعجل ورديت عليها ريوس بس تعطلت عاد سيارتي جديده ويوم العيد متشوهه تو بصيح
عاش وش أسال ...؟؟؟
لو كنت نايم بروحك في البيت وإذا بحرامي طب عليك فجاه شو بتتصرف هاااااااااه عاد لا تقول بتتصل والحرامي عدالك
عجل ادركنا يا قائم
06-18-2009, 04:02 AM
يبوك ما بتصل .. فمن بتصل ذيك الساعة .. فحبوتي .. ؟ أول شيئ بخلي إيديني تيوده .. وبنتعارك أنا وياه لين هناك وبس .. وبعدين بسدحه عالأرض .. وبربطه .. وبعطيه بذيك العصا المحنايه عصلبة ظهره .. وبقوله وابوي عليك .. ما لقيت غير بيتي تسرقة .. عن أبيه .. ما شي بيوت فالحارة غير بيتي .. وبعدين عاد بتصل فالشرطة إللي هي فخدمة الشعب وبقول إلهم .. تراه حلكم صيده تعالوا شلَوه من ويهي .. عن أنقع فيه بهوز ماي .. ! وعاشوا .. !



ياخي لو مره واحد جي يطلب منك شيئ من أغراضك الشخصية يبا يستخدمها .. وهذا الإنسان ما يحافظ ع الشيئ .. وكم مره مسونها فيك .. وش بتسوي .. !





صديقي يا خي سلامتها سيارتك .. والله ما تستاهل .. بس خلي بالك انته بعد الله يهديك .. تراهم غشيمين وكذيه يدفشوا بعمارهم .. فوقك بالله .. !
كرار غير فرار
06-18-2009, 10:55 AM
يالله اسكت ايام المدارس مال اول
كاره عمري ذيك الايام بيقولك واحد ابا قلم
ابا مساحة لا تو اطورت ابا سيارتك ولا بخمسبها
وانا عادة بطني يعورني واقولة معذر اعطيك السيارة


وش بتسوي لو انت وربعك جالسين اطبلوا وجا المعلم المصري وشافاكم
وش بتسوي ؟
صارتلنا ايام المدارس واحد بشرتة سمراء نقعة في العس واحمر
وخاطنا خياط
[.•عاشقة الزهراء•.]
06-18-2009, 05:59 PM
عااادي بنكمل وبنعزمهـ على الحفلهـ
عاد الطبل والمصريين

شو بتسووي لو كان عليك امتحان فاينل الساعه 8 وانت قايم

الساعه 9 وماباقي الا ساعه وحده وبيخلص الامتحان .؟
بحور المودة
06-18-2009, 08:23 PM
ღياخي انا حلمت كذا مره وكنت مرتبشه في الحلم وماطاعو يدخلونا قاعه الامتحان ..بس لو صاار بركض ع الاقل احصلي كمين درجه ولا صفر وطبعا لازم بصيح.... شو و تسوي لوو خيروك بين امك وابووك تاخذ واح منهم يسكن معك؟؟؟ خخخخ ღ


ღ ربي يعطيك الف عافيه ღ
عجل ادركنا يا قائم
06-19-2009, 02:13 AM
ودري عنش بحوروه .. ما أتخير ف كذيه .. لأنهم بثنينتهم ريولي ع ريولهم .. بحلف عليهم بذيك الأيامين الغليظة إنهم يسكنوا معي .. وإن ما رمت عليهم .. وش أسوي ما باليد حيلة .. أنا بسير أسكن عندهم .. !


السؤال / لو ماخذلك دش .. يعني سبحة .. ومتعكك بشامبو وصابون .. ومره معورَه العيون ما رايم تبطلها .. وخلَص عليك الماي .. وش بتسوي .. ؟ !
زهرة النور
06-19-2009, 02:52 AM
عاااااااادي بصاااارخ واقووولهم روحوا فرووووو (النل) خلووو يعبي الخزاان هههه يعني ما بيصير شي بجلس كذا فالحمااام لو انه سوف يرتابني بعض الخوف هع هعهع ... تراها صارت مره وأيام التناكر عاااد ههه










شو بتسوي لو مثلا كنت شااري كذا بااارد وأكل من المطعم حل اهلك ولك انت بعد .. المهم وتصل عليك حد من ربعك وقلت لأهلك يبقوولك لانك تو بترجع .. وصارلك شغله شوي ورجعت الساعه 1 بالليل .. المهم انت طبعا متأكد أن اهلك حاطين لك عشا ... ولما ترجع ما تحصل لا عشى ولا غيره شو بتسوي ولو انك ميت من اليووووووع ؟؟ يعني اريد موقف بهذيك اللحظه
عزيز الزهراء
06-19-2009, 03:05 AM
عاد أنا متاكد إني ما بهون على أمي تخليني بجوعي..

بس لو صارت الله يخلي الخبز والجبن والبطاطس تراه شي أحلى من أكل المطاعم...

شو تسوي لو أتزوجت أو كنت متزوج وحبيت تنتقل من عند أهلك وتستقل بحياتك وتبتعد عن عوار الراس وأهلك ما راضين لا تطلع ولا يجو معاك..
عجل ادركنا يا قائم
06-19-2009, 03:24 AM
هلا حبيبي .. انته وينك الليلة .. مغيب عمرك .. الله يسلمك إذا كانت هناك ضرورة لطلعتي من البيت .. بحاول فاقناعهم .. مره اثنين ثلاث .. إن قبلوا الحمد لله .. وإن ما قبلوا .. يا ناس رحموني حرام تسووا فيني كذيه .. أنا مضطر للإستقلالية .. وبطلع .. عاد همه زعلانين .. ما مشكلة كل يوم بسير صوبهم لين يطيح الحطب .. همه ما يجوا عندي ما مشكلة .. يعني لين متى .. تراه معروفه حبيبي حرب الأهل كذاب .. لو مذابح يستوي .. فالنهاية كنه ما صاير شي وبيرضوا .. أهم شيئ ما أقطعهم وأظل على تواصل معهم .. وأبر بوالديَ ..



عاد جي دور الشيئ إللي ما أدانيه .. لو كان يوم عاشوراء محرم .. وأنت مداوم .. وكان ضروري تواجدك بالدوام .. وغير مسموح لك تغيب عمرك ذاك اليوم .. وش بتسوي .. !
عزيز الزهراء
06-19-2009, 03:41 AM
موجودين صديقي بس كانت عندي شوية إلتزامات عائلية..
عاد أنا كله كوم وعاشر محرم كوم
دوم تصير عندي..الله يخلي عيادة حصن صحم تدكهم ريال ويكتبولك إجازه ومرات أروح بدر السما وأخلي عمري مريض ويعطوني يومين ...

يالله إني أنا بعد ما داني السؤل...
شو تسوي لو كنت نايم ولما صحيت ما لقيت زوجتك في البيت ولا أولادك بعد..إتصلت بيهم والتلفون مغلق وأهلهااا ما يعرفوهااا وين؟؟؟؟
الفيلسوف
06-19-2009, 04:03 AM
بقوم من النوم وانا فرحاااان...

لان ماعندي زوجة هه...

اللي بعدي...

لو كنت تمشي في الشارع كان هناك ماء متجمع ف مرت سيارة وتناثر الماء عليك و وسخ ملابسك الجميلة والنظيفة؟؟ شو تكون ردة فعلك؟؟..

تحياتي لطارح الموضوع...
خادم البتول
06-20-2009, 12:49 AM
عاد مااستوا هذا السؤال غير عندي أنا
بتضايق وبتنرفز وبالعن شيطان راعي السيارة وبرجع البيت وبغير ملابسي

ياالله عاد من بيجاوب على سؤالي
إذا كنت رايح مسقط ولابس دشداشة بيضاء ومتكشخ على الآخر ومريت بركاء تتريق وبدون ما تنتبه اتوسخت ملابسك كتشب من السندويتشات أيش بتسوي؟
عزيز الزهراء
06-20-2009, 08:51 AM
ههههههههههه عاد ما سؤال حركات أكيد صايره معاك

عاد عل قولت الوالده حلقك مخروق ههههه

دوم تصير معي السالف أقصد لازم تصير..

بس عاد أنا أشيل دشداشه سبير معي وين ما أروح منعاً للحرج..

عاد جي دور الغصه .. وين دمعوه تطرح المواضيع وتغيب عمرهااا

شو تسوي لو كنت مسافر عاد السعوديه وحماماتهاااا والبرد في الصحراء الفجر
ودخلت الحمام وطحت وتنجسو ملابسك وأنت بعدكم في أول الطريق للرجوع إلى لبلاد وهي البسة الوحيده عندك النظيفة..
شو بيكون تصرفك
خادم البتول
06-20-2009, 09:08 AM
ما بيدي حيلة بحاول أشوف أقرب محل وبشتري بنطلون وكرته وبشتري ماي من المحل عشان اتغسل بيه

لو كنت مسافر ومخلي فلوسك فالبنك وأول ما وصلت البلد اللي رايحلة ما حصلت الفيزا فمحفظتك أيش بتسوي ؟
المنتظر
06-20-2009, 03:25 PM
ههههههههههه موضوع حلو وأسئله جميله بسيطه بروح السفاره وبخبرهم وهمه بيتصرفو

لوكنت رايح تقابل وزير في أحد الوزارات ومتكشخ ولابس اعمامه حلوه وكنت تنتظر دورك ويوم وصل دورك اكتشفت انك لا بس نعال زنوبه ويش بتسوي
زهرة النور
06-21-2009, 05:00 AM
ههههههههههههه وابوي فشله
بحاااول اغطي او اني اقووول ما بدخل هههه ... صدج فشله عاد نعال زنوووبه




امممم عاد السؤال اوووف طفاار والله

انزين

شو تسوي لو او شو راح يكون موقفك لو اخوك الصغير المهم يلتك بسكين ؟؟ الله لا قال ... هههه شو راح تكون حالتك ؟؟
خبرونا عاد كيف حالة عينكم اول ما تشوف السكين جايه صوبك
عزيز الزهراء
06-22-2009, 03:35 AM
عاد أنا مع عندي خوان صغار
بس صارت معي يوم كنت بالاعداديه كنا نتضارب أنا وأختي أخر العنقود وكنت وايد أعار منهااا لانهااا دلع البيت عاد واقفلهاا على الحبه..بدون سبب أناقرهااا وبعدين نتضارب وعاد أتذكر إنهاااا لتتني بسكين وركضت عنهااا الحمام وجلسة فيه أكثر من ثلاث ساعات لحد ما عذرت وهدت أعصابهاااا:D

عاد شو أسال:oo5o.com:.......
شو تسوي لو كان عندك إختبار وإنت ما عندك خلفية عن الماده ومعتمد على البراشيم من عند الربع وما قدرت تغش كيف بتتصرف:oo5o.com (31):؟؟؟
عجل ادركنا يا قائم
06-22-2009, 04:02 AM
يخوك عادي ولا كنه شيئ بتوكل على الله وبحل .. بألف لهم فالورقة قصص وبخترع الذرة .. وما ببقي كلمة .. أكيد فالنهاية .. بحصل على شيئ .. بيقولوا وامسيكين وايد مجتهد وحال .. الأهم ما شيئ فايدة ذيك الساعة للوم والضيق .. لازم أحل ولو بأي شيئ وما أترك سؤال بدون حل .. !


عاد ياخي سمحولي ما عندي سؤال الليلة .. باكر بيسأل عني خادم البتول .. !
المنتظر
06-22-2009, 11:52 AM
أحسنت يا عجل ادركنا يا قائم وتسمح لي أتقدمك

ويش بتسوي اذا قالولك أحفر طوى في هذا الحر وتحت الشمس ونصف النهار وفي المزرعة
عزيز الزهراء
06-22-2009, 10:58 PM
أحول السؤال لصديقي لعجل أدركن يا قائم هو بجاوب عني...
عجل ادركنا يا قائم
06-23-2009, 01:04 AM
أحسنت يا عجل ادركنا يا قائم وتسمح لي أتقدمك

ويش بتسوي اذا قالولك أحفر طوى في هذا الحر وتحت الشمس ونصف النهار وفي المزرعة


هلا مولانا .. ما عليك زود بن عمك .. .. .. يخوك أول شيئ بقول إلهم يعني وش المعنى الظهر وتحت الشمس .. يعني ما يستوي فالليل وتحت القمر .. ؟ الثاني عاد إذا أمر لابد منه .. بخبر شوزن إيجيب كم واحد من رباعته .. وبنتساعد أنا وياهم فالحفر .. بس بعد هناك شيئ .. قبل كل شيئ .. بنحاول نسوي لنا مظلة بطرابيل مكان الحفر .. عشان محد فينا يكوفت من الشمس والحر .. ولا يضربه يهد ..

عاد السؤال بخليه حل صديق .. عزيز الزهراء .. !
عزيز الزهراء
07-09-2009, 01:41 AM
عاد السؤال بخليه حل صديق .. عزيز الزهراء .. !


عاد أنا خصيمي السؤال:oo5o.com (19):

شو بتسوي لو حصلت فرصة سفر ببلاش لاحد الاماكن المقدسه ولتكن العراق
والمشكله ما رضوا يعطوك إجازه
شو بتسوي
زهرة النور
07-13-2009, 04:34 AM
ياخي مشكله عاد لوكانت ايام الدراااسه شسوي بعد هذي درااسه ... يعني نقدر نسافر المره الجايه -- اما لو صااارت فالأجاازه حمااااااس والله


شو تسوي لو مشيت جنب النيروز بس كذيه عابر ... وشوي إلا ينهد عليكم واحد من الثيران ويركض صوبك ؟؟!!!